Biten av musikal

Vi opnar boksen med musikalske perler frå ei tradisjonsrik og lang musikalhistorie!

Frå 15. mai står eit songsterkt ensemble klart på Hovudscenen for å dele smakebitar frå repertoaret til Det Norske Teatret. Her er det noko for den kresne, for den som elskar det søte, det som knasar og den som likar noko krispt å bite i. Som annan konfekt, er også vår vanskeleg å beskrive, han bør helst opplevast.

Vi har tatt mål av oss å smakssetje ein heilaftan med tonar og ord som kling velkjent for den som har eit hjarte for musikalen. Norske godbitar frå kapasitetar som Bjørnov og Monn-Iversen smeltar saman med internasjonale hits frå til dømes Bowie. Og som strøssel dukkar det opp tonar frå Broadway. Det er duka for ein musikalsk festaftan på Hovudscenen!