Da vi var yngre

Oliver Lovrenski brakdebuterte med romanen Da vi var yngre i 2023. Dette er sceneversjonen i Aksel Hennies regi. I 2026 er det Serhat Yildirim, kjent frå NRK P3-serien 18, som har hovudrolla.

Eit samla kritikarkorps hylla Da vi var yngre da boka kom i 2023. Berre 19 år gammal gav Oliver Lovrenski ei skildring av Oslo og eit ungdomsmiljø mange ikkje hadde kjennskap til frå før. Lovrenski blei omtala som ein slags speeda Ivar Aasen, som samla og leika seg med gatespråket.

Da vi var yngre er ei rå forteljing frå gatelivet på Grønland, der ungdom frå TikTok-generasjonen skaffar seg kjappe flus ved å selje næs.