Ei forteljing om venskap, håp og det å stå opp mot dei vaksne.

Ronja Røvardotter er dotter til røvarhøvdingen Mattis, og veks opp med røvarbanden i ei borg. Utanfor brenn verda, men likevel vågar Ronja seg ut og tar til å utforske. Ein dag møter ho naboguten Birk, og dei to blir som bror og søster – til fedrane si store fortviling. Dei er nemleg erkefiendar.

Astrid Lindgrens barneklassikar Ronja Røvardotter er eit frodig eventyr om korleis det er å vere barn i ei kaotisk tid, om å kjempe for det ein meiner er rett, og om livsmot, venskap og å vilje forandre verda.

Mange barn har det som Birk og Ronja
Regissør Catrine Telle ønsker å plassere historia om Ronja i ein moderne ruin med krig og urettferd som bakteppe. Mange barn i verda veks opp under slike forhold i dag. Trass i omstenda blir det leika, levd og danna venskap – også på tvers av konfliktane som går føre seg mellom dei vaksne. I ruinane av krig og død veks det opp tre og blomar.